Возачите можат значително да влијаат врз потрошувачката на гориво, особено кај автомобилите со рачен менувач.

Германскиот TÜV објави неколку едноставни совети што можат да помогнат автомобилот да троши помалку гориво и истовремено да се намали оптоварувањето на моторот.

Препораката на стручњаците е при забрзување што порано да се префрлува во повисок степен на пренос, додека при забавување треба подоцна да се враќа во понизок степен.

Идеално е моторот да работи меѓу 1.500 и 2.500 вртежи во минута, бидејќи тогаш потрошувачката е најниска, а моторот работи потивко.

При тргнување, педалата за гас не треба да се притиска до крај, туку отприлика до две третини од нејзиниот од. По забрзувањето, важно е што е можно подолго да се одржува константна брзина.

TÜV препорачува возење меѓу 70 и 80 отсто од максималната брзина на возилото, но во секој случај не повеќе од 130 километри на час.

За дополнителна заштеда се советува навремено пуштање на гасот и умерено кочење, особено при приближување кон семафор или крстосница.

Темпоматот може да помогне на подолги делници на автопат, но кога има гужва на патот не е особено корисен доколку нема адаптивна функција.

Стручњаците потсетуваат и дека дополнителната тежина ја зголемува потрошувачката. Само 50 килограми дополнителен товар може да ја зголеми потрошувачката и до 0,3 литри на 100 километри.