Руската влада објави дека го забранува извозот на керозин до 30 ноември, бидејќи продолжуваат украинските напади врз руските рафинерии и друга енергетска инфраструктура.

„Целта на оваа одлука е да се обезбеди стабилност на домашниот пазар на гориво“, се вели во соопштението на владата, објави руската агенција Интерфакс.

Русија извезува керозин првенствено со железница во Централна Азија, вклучувајќи ги Казахстан, Киргистан, Таџикистан и Узбекистан.

Москва веќе го ограничи извозот на бензин, но сè уште не презела никакви мерки во врска со дизелот, иако разговорите се во тек.

Производството на дизел во Русија се намали за околу 10 проценти во мај, по првиот пад од 10 проценти во април.

Украинските напади со беспилотни летала врз рафинериите ги принудија овие рафинерии да го намалат или суспендираат производството, соопшти британската агенција Ројтерс.