Зошто риалот падна на рекордно ниско ниво во однос на доларот?
Немирите ја урнаа вредноста на иранската валута во однос на доларот.
Риалот денеска се намали на рекордно ниско ниво во однос на доларот. Трговците во Техеран денеска за долар разменија 370.000 риали, а во четвртокот 368.000 за долар. Иранската валута се тргуваше по 32.000 риали за еден долар во времето на нуклеарниот договор од 2015 година, со кој беа укинати меѓународните санкции во замена за построга контрола на иранската нуклеарна програма.
Во Иран има протести од септември поради смртта на Махса Амини, која беше приведена од државната полиција за морал поради наводно кршење на строгиот кодекс на облекување на жените. Луѓето протестираат и поради лошата состојба на иранската економија, зголемените цени, високата невработеност и корупцијата.
Американската валута се намали за 0,1 отсто во однос на европската валута, а вредноста на еврото достигна 1,0545 долари. Курсот на доларот во однос на јапонската валута порасна за 1,7 отсто, на 136,55 јени. Јенот пак ослабна затоа што јапонската централна банка е меѓу ретките во светот што одржува приспособлива монетарна политика за поддршка на економскиот раст.
Слично
Поврзани вести
