Цените на храната продолжуваат да растат на глобално ниво. 

Индексот според Организацијата за храна и земјоделство на ОН се зголемува за 0,7% во октомври. 

Светските цени на храната се зголемија во октомври, продолжувајќи го растечкиот тренд од почетокот на годината, објави Организацијата за храна и земјоделство на Обединетите нации (ОН), цитирана од агенциите.

Индексот на цените на храната кој ги зема в предвид месечните промени во кошницата од житарки, маслодајни култури, шеќерот, месните и млечните производи, постепено расте, откако падна до седумгодишно дно во првиот месец од годината.

Индексот достигнува 172,6 поени во октомври, и се зголемува за 0,7% во однос на претходниот месец или за 9,1% во однос на октомври минатата година.

Трајното пребарување на сирење и путер во Европската унија (ЕУ) ги турка цените на млечните производи нагоре со 3,9% за месец.  Цената на шеќерот исто растат поради информациите за производство  со дефицити во Бразил и Индија.

Од друга страна слабата побарувачка на глобално ниво на палминото масло ги намалува цените, а слабиот апетит на Кина за свинско од Европа исто влијае врз цените на месото.

Според организацијата нестабилноста на валутите и несигурноста по претседателските избори во САД,  оваа недела ги отежнуваат прогнозите за динамиката на цените на храната.