Цената на железната руда надмина 100 долари за тон.

Цената се искачи на највисоко ниво за два месеци, поттикната од оптимизмот на трговците откако Кина вети дека ќе ја намали прекумерната конкуренција и ќе ги укине застарените капацитети, и покрај послабите изгледи за побарувачка во челичниот сектор.

Суровината денеска поскапе за 1,3 проценти. За прв пат од мај, цената го надмина прагот од 100 долари за тон оваа недела, што е резултат на сигналите од Пекинг дека се решени да го ограничат индустриското прекумерно производство со цел да ги подобрат маржите на профит на производителите на челик, објавува Блумберг.

Дополнително, пазарот очекува нови стимулативни мерки за секторот на недвижности, што ги подобри прогнозите за потрошувачката.

Сепак, оптимизмот беше делумно ублажен од податоците што покажуваат дека производството на челик во Кина во јуни се намали за 9,2 проценти на годишно ниво на 83,2 милиони тони, што е најголем пад во последните 10 месеци. Вкупното производство во првата половина од годината е најниско од 2020 година.