Американскиот долар се соочува со вистински дебакл на светските берзи и е на пат да ја заврши годината со најголемo намалување од 2017 година. Експертските проценки велат дека доколку продолжи овој тренд во последните денови од декември, американската валута би можела да се спушти на најниското годишно ниво од 2003 година.

Главната причина за намалувањето на вредноста е верувањето на инвеститорите дека Федералните резерви (ФЕД) ќе продолжат со агресивно намалување на каматните стапки и во текот на следната година. Додека другите централни банки веќе го завршуваат својот циклус на олабавување, САД допрва се подготвуваат за дополнителни кратења.

Дури ни солидниот раст на американскиот БДП не успеа да го сопре слабеењето на доларот, кој се најде под сериозен притисок и поради трговските политики и царините на претседателот Доналд Трамп, кои ја разнишаа довербата на големите инвеститори.

foto freepik.com/jcomp