Цените на златото и среброто паднаа на најниско ниво во последните седум месеци.

Цените на златото и среброто вчера паднаа на најниските нивоа во последните седум месеци, при што цената на златото падна под границата од 4.000 долари за прв пат од ноември. Аналитичарите го обвинуваат зајакнувањето на американскиот долар и очекувањата дека Федералните резерви на САД (ФЕД) би можеле да ги зголемат каматните стапки оваа година.

Цената на златото во среда во 9:15 часот по источно време изнесуваше 3.988,60 долари. Ова е пад од речиси 4 отсто и најниска цена на овој благороден метал од ноември.

Среброто во среда во 9:15 часот беше на 58,44 долари, што е намалување за речиси 6 отсто. Тоа беше само малку повисоко од најниската цена од 58,09 долари што ја достигна претходно наутро.

И двата метала забележаа постојан пад во текот на изминатата недела. Среброто изгуби околу 16 отсто од својата вредност, а златото околу 8 отсто во споредба со истиот ден минатата недела.

Цената на среброто сега е помалку од половина од рекордната вредност од 121 долар за унца, што ја достигна во јануари. Цените на скапоцените метали паѓаат за време на војната во Иран. Трговците очекуваат Федералните резерви да ги зголемат каматните стапки подоцна оваа година, пренесува Forbes Srbija.