NISSAN ќе биде официјален превозник на Интернационалниот фестивал на филмска камера „Браќа Манаки“. Од компанијата соопштија дека NISSAN ќе биде дел од јубилејното издание на најзначајниот филмски фестивал во Македонија. Легендарниот директор на фотографија, врвните филмски ѕвезди меѓу кои најсјајната – Жилиет Бинож ќе пристигнат на црвениот тепих со новиот NISSAN Qashqai и ќе имаат можност да уживаат во магијата на најстариот фестивал на филмска камера. “Овогодинешната соработка не е случајна, Браќа Манаки ова јубилејно издание е на врвот во поглед на врвни филмови, возбудливи и провокативни, креативни и мајсторски сработени, впрочем како и брендот NISSAN кој со новата генерација на Qashqai поставува нови стандарди во автомобилската индустрија. Компанијата Аутомотив Груп со задоволство ја поддржува филмската уметност и големата експанзија на Македонската кинематографија, а најдобар начин на претставување на иновацијата која возбудува е токму „Браќа Манаки”, вели Симона Николовска , лице за односи со јавност во Аутомотив Груп.