Целата територија на Македонија денеска и за време на продолжениот викенд се очекува да биде зафатена со температури кои ја дефинираат жолтата алертна фаза.

Од Министерството за здравство согласно најавата на метео-алармот од Управата за хидрометеоролошки работи со препораки да не се излегува дома во период од 11 до 17 часот поради температурите ќе се движат во интервал од 35 до 40 степени Целзиусови.

Деновите со повисоки температури, како што се наведува, се очекува да траат до крајот на недела.

Од Министерството потсетуваат да се почитуваат општите препораки за населението, во однос на заштита од директна сончева изложеност, како што се: избегнување подолг престој на отворено во периодот од 11 до 16 часот, носење лесна и светла облека, консумација на лесна храна и течности, хигиена на раце и хигиенски начин на подготовка на храната, како и редовно земање на терапијата кај хронично болните лица.

Комисијата за климатски промени при Министерството, континуирано ја следи состојбата со топлото време за што, како што посочуваат, јавноста навремено ќе биде информирана.