Жешка атмосфера во дневникот на ТВ Сител на интервјуто кое се води вечерва меѓу опозицискиот лидер и главниот уредник Драган Павловиќ Латас.

„Добредојдовте кај непријателите“, вака Латас го означи стартот на интервјуто ако така може да се каже, обраќајќи му се на лидерот на СДСМ, Зоран Заев, кој за првпат во овие десет години е гостин во вестите на оваа телевизија. Груевски ве плаќа за да бидете на власт во СДСМ. Додека сте вие на власт, ВМРО-ДПМНЕ ќе победува, децидно му рече Латас на Заев. Соговорниците не се воздржуваат од лични квалификации, а Латас му рече на Заев дека е обвинето лице за повеќе кривични дела, додека лидерот на СДСМ, му врати: „Па, и јас зборувам со осомничен криминалец“. Опозицискиот лидер рече дека во СЈО предал 1.050 милион материјали од преслушувани разговори. Интервјуто се уште трае.