Жена капетан обучува целосно машки баталјон во градот Коломна, близу Москва во Русија. Капетан Марина Турк ги обучува мажите во воени униформи на противтенковски топови.  Таа вели дека тоа е професија која дава можност да се покаже сила и за неа  секој работен ден е различен. „Тоа што сум жена, не значи дека не можам да обучувам мажи“- вели капетан Турк. Сепак тоа што е претставничка на понежниот пол, е предност до одреден степен, според нејзините зборови. Русинката потсетува дека жените одиграа клучна улога во целата историја на руската и советската армија. За време на Втората светска војна над 800 000 жени, служеле во советските вооружени сили, а многу од нив имале клучни улоги на фронтот. На 8 март-Денот на жената, таа е пример дека нема бариери за успешните жени во било која професија.