Земјотрес попладнево во 16.04 часот е почувствуван во Босна и Херцеговина. 

Според податоците од Европскиот средоземноморски сеизмолошки центар, земјотресот бил со јачина од 4 степени според Рихтеровата сеизмичка скала.

Епицентарот на потресот бил 8 километри источно од Бања Лука и 133 километри од Сараево, а жариштето било на длабочина од десет километри.

Граѓаните од повеќе населени места велат дека ова е најсилниот земјотрес кој го почувствувале во последно време. 

„Земјотресот траеше кратко, но беше јак“ - раскажуваат граѓаните. 

Други велат дека дури оградите во дворот се поместиле. 

Засега нема информации за нанесени штети.

Само 20 минути пред овој потрес имаше земјотрес во централна Италија.