Филипинец кој работи во Хрватска, познат под името Брај објави видео на Инстаграм во кое откри што го научил животот во оваа земја. Прво, тој нагласува дека сфатил дека понекогаш треба да се забави.

„Животот не е трка. Ние Филипинците растеме верувајќи дека сме продуктивни ако сме секогаш на работа. Понекогаш забораваме да се грижиме за себе. Животот во Хрватска ме научи на спротивното“, рече тој на почетокот, истакнувајќи три најважни лекции.

Второ, сфатил дека животот не мора секогаш да се врти околу работата. 

„Работата е важна, но исто така е важно и менталното здравје, среќата и одвојувањето време за луѓето што ги сакаш. Научив да ги ценам малите нешта како што е гледањето на зајдисонцето.“

Конечно, тој истакна како научил дека животот не е трка и дека е во ред да се започне одново повеќепати доколку е потребно.

„Преселбата во друга земја никогаш не е лесна, ќе има моменти на носталгија, осаменост, но растот се случува кога ќе ја напуштите вашата зона на удобност. Дојдов во Хрватска за работа, но најдов многу повеќе од тоа. Најдов побавно темпо на живот и втор дом што ме научи дека успехот не е во тоа колку заработуваш, туку колку добро живееш. Секогаш ќе ѝ бидам благодарен на Хрватска за тоа. Сите треба малку да забавиме“, вели овој Филипинец, пренесува Dnevno.hr.