Црна Гора со години се соочува со сериозен недостиг на работна сила, а одлуката на Владата да прифати речиси 30.000 странски работници се смета за неопходна мерка, истакнува политичкиот аналитичар Предраг Зечевиќ за РТВ Подгорица.

„Тоа е едната страна од приказната, а другата е дека системот за издавање работни дозволи во Црна Гора е застарен. На пример, во Хрватска и Словенија, овој процес функционира попаметно - државите заедно со стопанските комори утврдуваат кои занимања недостасуваат и колку квоти треба да се одобрат на квартална, шестмесечна или годишна основа“, објаснува Зечевиќ.

Тој предупредува дека Црна Гора веќе има сериозни демографски предизвици, кои дополнително ќе се влошат како што земјата напредува кон членство во Европската Унија. Од друга страна, од туристичкиот сектор велат дека има работа, но дека локалната работна сила сè помалку ја избира.

Градежните и техничките професии заработуваат помеѓу 2.000 и 3.000 евра, додека некои мајстори, како што се керамичарите, можат да заработат повеќе од 5.000 евра, пренесува Каматица. 

foto freepik.com/Drazen Zigic