Истрагата за падот на веспилотното летало кој пред повеќе од еден месец се урна во Загреб е завршена, а резултатите ги соопшти државното правобранителство на Загребската жупанија.

Нова ТВ синоќа објави дека дронот носел бомба. Како што наведоа, во леталото наместо камера имало поставена бомба. Загрепското жупаниско државно правобранителство издаде наредби за вршење на повеќе видови вештачења, а побарано е мислење од воздухопловната техничка струка. 

Извршено е хемиско и физичко вештачење, балистичко вештачење и мислење од воената струка, се вели. Од Државното правобранителство потсетуваат дека веќе соопштија дека балистичкото вештачење укажало дека во леталото имало бомба.

Мајор Миле Томиќ денеска извести дека на бомбата била пронајдена запалка со кирилично писмо и покажа фотографија.

„Недвосмислено беше утврдено дека се работи за фрагменти од воздушната бомба ОФАБ 100-120. Резултатот беше експлозија на бомба“, рече тој пред медиумите.

Ивана Бачиќ од Центарот за форензички истраги, истражувања и вештачења „Иван Вучетиќ“ изјави дека на местото на несреќата се формирал кратер со дијаметар од 5,5 метри и длабочина од 1,5 метри.

- Оригиналната воздушна бомба треба да содржи до 46 килограми ТНТ, што би се карактеризирало со поцрнување. Не беа забележани такви траги, додаде таа.

„Ова летало беше строго чувана тајна во Советскиот Сојуз. Наменето е за длабоко извидување од тактичко, оперативно и стратешко ниво. Има високи перформанси во однос на карактеристиките на летот, лета со големи субсонични брзини од 900 до 1200 км/ч. Времето на лансирање е до 15 минути, се лансира со помош на специјално возило и ракетен фрлач, а подоцна го презема млазниот погон“, вели бригадирот Марио Починок.

„Тоа е целосно автоматизирана машина која врши функции за извидување и снимање“, додава тој.

„Во нашиот случај, се случи во процесот на активирање на главниот падобран, едноставно да нема механичка врска меѓу авионот и падобранот. Ретро ракетата остана во нејзиното лежиште“

Тој вели дека ретро ракетата се активирала дури кога паднала и дека тоа ја објаснува белата светлина што се појавила.

„Заклучокот е дека леталото се одржувало во многу добра состојба. Моторот не работел кога удрил. Кутијата за снимање е најдена значително оштетена, но записот е целосно уништен и нема шанси да се опорави“, рече тој.