Пред да патувате во Грција, едно од најважните нешта е да проверите колку долго вашиот пасош е сè уште важечки. Многу патници веруваат дека е доволно пасошот да биде важечки до датумот на истекување, но во пракса тоа не е секогаш доволно и може да предизвика проблеми при преминување на границата.

Според правилата што важат за влез во земјите од Европската Унија , пасошот мора да важи најмалку три месеци по планираниот датум на враќање од патувањето.

Доколку овој услов не е исполнет, постои можност надлежните органи да не дозволат влез во земјата или патникот да биде вратен од граничниот премин.

Со други зборови, иако пасошот сè уште не е истечен, ако истече кратко време по планираното враќање, може да претставува проблем на граничната контрола.

Покрај тоа, некои туристички агенции може да одбијат да прифатат патници чии пасоши не ги исполнуваат наведените услови, со цел да се избегнат можни компликации на границата.

Посебно внимание треба да се посвети на детските пасоши, бидејќи тие се издаваат за пократок временски период, па затоа често се случува да не го исполнуваат пропишаниот минимален рок на важење.

Важно е да се има предвид дека лична карта не може да се користи за влез во Грција, но е потребен важечки пасош што ги исполнува пропишаните услови.

Затоа се препорачува да го проверите датумот на истекување на пасошот пред секое патување за да избегнете непријатности и можни проблеми на границата.