Исчезна 35-метарската јахта на сопругата на рускиот олигарх Алишер Усманов, која минатата година беше конфискувана во Бетина на Муртер како дел од санкциите против олигарсите блиски до Путин. Ирина В.У. требаше да биде во Бетина, но отплови. Бродот најпрвин бил на сува врска и требало да остане запечатен таму. Сепак, тој беше спуштен во морето и префрлен во скверот, а оттаму отплови за Турција.

„Според информациите од Министерството за море, оттаму рекоа дека јахтата е отуѓена бидејќи се работи за замрзнат имот кој бил запечатен, за што пристаништето издало наредба никој да не и се доближува, а сопствениците биле известени дека Јахтата е блокирана, запечатена и не смее да се користи“, изјави државниот секретар Франо Матушиќ за Нова ТВ.

Во телефонски разговор од екипажот велат дека немале никаков писмен документ дека бродот бил запечатен. Дополнително, велат и дека тој заплови летово, а не есенва, како што велат од Министерството. Пристанишниот капетан може усно да издаде забрана за пловидба, но по осум дена мора да состави писмено испраќање. Од Министерството велат дека ќе се спроведат постапки за да се утврдат сите факти.

„Пред сè, надлежен орган во овој случај е Министерството за море и транспорт, но, секако, кога станува збор за преминување на границата, се вклучени и други органи, како МВР, царината и сл. натаму“, рече Матушиќ.