Русија е подготвена да го спроведе проектот за гасовод под Црно Море сличен на „Јужен тек“ ако Европската комисија покаже интерес, изјави денеска портпаролот на рускиот претседател Дмитриј Песков. Тој рече дека Русија разговарала за таквиот проект со партнерите, но се зависи од тоа „колку е предвидливо и конструктивно однесувањето на Европска комисија“, пренесува руската новинска агенција „Таш“. Песков изјавил дека, директорот на „Гаспром“, Алексеј Милер неодамна престојувал во Италија каде што бил потпишан меморандум за проектот под Црно Море за доставување на гас до Грција и Италија.