Мета е дефинитивно бренд, а не највисока организациска единица - нагласи Звездан Хорват, професионален директор на Adizes Institute Worldwide, објаснувајќи „Зошто Facebook мора да ја промени својата организациска структура?“.

Во рамките на споменатиот панел на годинешната конференција БИЗИТ, Хорват го издвои „недостигот на јасен систем“ како клучен проблем за Мета.

Инстаграм, Фејсбук и WhatsApp се одделни бизниси, но нема јасен одговор пред кого тие се одговорни.

- Можеби се профитни центри, но тој вели „Јас сум Мета“. Дали ова значи дека Закерберг седи насекаде? Се поставува прашањето што водите, за што сте одговорни, кој е одговорен за резултатот? Ако немате организациона структура, тогаш тоа оди преку сопственоста, а тоа е Закерберг и тој ќе одлучи за се - истакнува Хорват.

Токму поради оваа причина доаѓаме до следниот проблем, односно „поразот“ што самиот Закерберг го призна. Имено, Мета вчера отпушти огромен број луѓе - поточно 11.000 луѓе или 13 отсто од работната сила на компанијата.

Ова е најголемото отпуштање во технолошкиот сектор досега

Заакерберг рече дека „сака да ја преземе одговорноста за овие одлуки и како компанијата дошла до оваа ситуација“.

Хорват објаснува дека сето тоа е резултат на „играњето“ на Закерберг со Метаверс, кој има само 20.000 луѓе, додека Инстаграм, Фејсбук и Ватсап, кои се големи бизниси, стануваат „сираци“.

- Немате поим кој работи со нив, ниту пак нешто се случува со нив. Доаѓаш до точка кога компанијата оди на една страна, ставаш се на тоа дали очилата ќе работат и дали ќе ти се допадне да ги користиш. Никој не е одговорен за одредени делови од работата, но имате еден човек за сега 76.000 луѓе. Фејсбук има само еден извор на приход, не може да го подели ризикот, и се се сведува на тоа дали рекламирањето функционира или не. Ако не им успее, тие се мртви и тоа е она што сега им се случува - додава тој.

Мета се бори со големо забавување на трошењето на онлајн реклами, предизвиците од ажурирањето за приватност на Apple за iOS и зголемената конкуренција од TikTok.

Хорват даде и пластичен пример кој најдобро го објаснува отсуството на систем како клучен постулат на бизнисот.

Имено, кога ќе отидете на официјалната страница на Facebook за бизнис, се отвора Мета Бизнис Центарот, а во заглавјето пишува „продава на Фејсбук и Инстаграм“.

- Одете во Мета за да продавате на Фејсбук и Инстаграм на Фејсбук страницата - заклучи Хорват.

(Телеграф бизнис)

Фото: ЕПА