Набрзина се отстрануваат новогодишните украси од Плоштадот Бан Јелачиќ во Загреб. Таму вечерва треба да се следи натпреварот, а на почетокот на следната недела на истото место треба да се организира и дочекот на репрезентативците.

Како што вчера пишуваше Индекс, Градот Загреб вчера интензивно се договарал да го проследи денешниот меч со Аргентина на големото платно на плоштадот Бан Јосип Јелачиќ.

Досега натпреварите се следеа на блискиот европски плоштад, но се очекува полуфиналниот натпревар да привлече многу повеќе гледачи на улиците. Исто така, се очекува да се повтори масовен дочек како оној по освоеното сребро на СП 2018 година, со таа разлика што овој дочек треба да се случи неколку дена пред Божиќ. За очекување е пречекот на фудбалерите да биде или в понеделник доколку Хрватска е во финалето или в недела доколку Хрватска го игра натпреварот за третото место.