Зоран Заев, премиерот на Македонија, одговарајќи на пратенички прашања во Собранието, рече дека утре ќе оди во Охрид на преговори со канадска компанија која е заинтересирана да инвестира во земјата.

- Се работи за инвеститор кој планира многу вработувања во струшкиот регион. Околу 100 инвеститори се подготвени да вложат средства и да произведуваат во Македонија. Четири веќе се јавија по ратификацијата на Преспанскиот договор во грчкиот парламент - наведе Заев од собраниската говорница.

Тој додаде дека не планира само да се зголеми уште еднаш минималната плата во Македонија туку и да се намали невработеноста.

- Приоритет е приватниот сектор. Сега невработеноста на национално ниво е 20,8 отсто. До крајот на годината планираме тоа да биде 16 отсто - рече Заев.