Обвинителството официјално покрена обвинение против пет лица за случајот "пуч". Меѓу нив е и лидерот на опозицискиот Социјалдемократски сојуз  Зоран Заев.

Во соопштението на обвинителството се вели дека Заев  "извршил насилство врз претставници на највисоките државни органи во републиката". Покрај него обвинение е покренато и против поранешниот директор на тајни служби Зоран Верушевски.

Тој е обвинет за нелегално прислушување и шпионажа. Со истото обвинение се Георги Лазаревски и Соња Верушевска.

Во градот Кавадарци вчера Зоран Заев соопшти дека "на 17-ти мај ќе се одржи најголемиот митинг во историјата на Република Македонија".

Веќе три месеци во Македонија има тешка политичка криза. Опозицијата направи огромни откритија за тешки корупциски шеми на премиерот Никола Груевски и најблиските функционери, вклучувајќи кадри во судството и изборни манипулации, како и целосна контрола над медиумите. Во повеќето корупциски шеми учествува лично директорот на Агенцијата за безбедност и контраразузнавање Сашо Мијалков.

Груевски постојано ја обвинува опозицијата дека сака "да предизвика меѓуетнички конфликт". Тој ја обвинува опозицијата дека се служи со странски служби.

Оставки и започнување на транспарентна и независна истрага за јавните обвинувања и откритија, кои станаа факт во Република Македонија побараа германскиот и американскиот амбасадор во Скопје - Кристине Алтхаузер и Џес Бејли.