Премиерот Зоран Заев одговарајќи на новинарско прашање денеска изјави дека во Македонија веќе се направени првите екстракти од канабис за медицински цели и дека се очекува првиот извоз откако е стапена во сила либерализацијата на оваа дејност во земјата.

- Многу странски компании имаат голем интерес да инвестираат на ова поле на раст и експлоатација на канабисот. Веќе е влезена компанија од Канада, има од Холандија и така натаму. Оваа политика ја започна претходната Влада и ние тоа го поздравуваме како потег - рече Заев.

Премиерот напомена дека пазарот со производи од канабис вреди 500 милијарди евра во светот, а во иднина се очекува тој да порасне десеткратно.