На прес конференцијата Лидерот на опозицијата обелодени и видео во кое е прислушувана Министерката Гордана Јануловска и министерот Ставрески, а истакна дека единствените што не се прислушувани се премиерот Груевски и Мијалков. Заев напоменува дека поседува 300 негови разговори, а како што кажа, тој бил следен и прислушкуван 4 години без прекин, а има разговори и со неговото семејство. Но тоа не е се. Премиерот Груевски и Мијалков го следеле и коалициониот партнер Али Ахмети, како и Мендух Тачи, Руфи Османи, Латас и Протуѓер, рече Заев и пушти неколку разговори. Опозицискиот лидер истакнува дека ова е само мал дел од она што го поседуваат и ги повика граѓаните овие денови внимателно да следат се што се случува бидејќи ќе ги објават сите докази кои ги имаат. - Она што ќе го видите во следниот период ги надминува и најцрните очекувања - изјави Заев. - Независно од реакцијата на Обвинителството, цврсто сме решени да ги ослободиме граѓаните од мракот и заложништвото на неколкумина кои ни ја имаат окупирано државата. Ве повикувам сите, следете го тоа што ќе го објавиме деновиве -посочи  тој. Заев рече дека се прислушувани и сите институции кои треба да бидат независни како што е судството, но и верските организации (МПЦ и ИВЗ). [button color="orange" size="big" link="http:/http://faktor.mk/2015/02/09/zaev-otkriva-masovno-se-prislushkuvale-nad-20-000-litsa/" target="blank" ]Заев открива: Масовно се прислушкувале над 20.000 лица[/button]