Во интервју за Франс прес, лидерот на СДСМ, Зоран Заев изјави дека предвремените избори треба да се одложат, можеби за есента, додека не бидат исполнети условите за слободни и фер избори.

„Знам дека избори нема да се одржат на 5-ти јуни“ – рече Заев.

Парламентот беше распуштен минатиот месец  како дел од договорот за крај на политичка криза во кој посредуваше ЕУ. Социјалдемократискиот сојуз  и две други клучни партии одбија да учествуваат на изборите, пишува ФП.

Заев очекува дека сите политички партии на почетокот на следната недела, во согласност со македонските закони ќе го повикаат спикерот, Вељановски да свика седница. Заедно знаеме дека изборите ќе бидат одложени, кажа  тој по средбата со Јахенс Хајндл.