Премиерот Заев верува дека добрата вест за почнување преговори со Европската унија ќе влијае позитивно на целиот регион ако интегрален дел од Европа и како признание за напредокот на реформите во Северна Македонија .

Ова тој денеска го истакна на конференцијата на „Економист“ од каде што посочи регионот е сменет, се стреми и создава услови за натамошен развој и интегрирање. 

Како што потенцираше Заев, регионот станува пример дека со заедништво и со инвентивни решенија може да се надминуваат проблемите.

 – И мала држава како Република Сверна Македонија може да носи порака на свежина, промена и надеж и да биде добра вест, потенцира Заев, посочувајќи дека Договорот од Преспа е вистински пример за моќта на дипломатијата и дијалогот.

Заев вели дека ерата на манипулативните националистички реторики е минато. 

-Сите заедно грабиме кон посветла иднина. Берлинскиот прцес ја постигна целта да го зголеми интересот на Западен Балкан и да не стави на мапата на соработка на земјите членки на ЕУ. Спроведувањето на агендата за конективност на Берлинскиот процес и  повеќегодишниот Акциски план за регионална економска зона има важна цел да го забрза развојот на регионот и да го  подобри квалитетот на животот на нашите граѓани. Регионот зборува активно за дигиталзиација, заедничкиот настап на европскиот и глобалните пазари, царинските олеснувања, заедничките гранички премини, фондови за иноваци, рече Заев.

Самитот продолжи со обраќање на помошникот американски државен секретар за Европа и Евроазија, Вес Мичел, а меѓу гостите се и поранешните премиери на Грција и на Белгија, Алексис Ципрас и Ги Верхофштат и поранешниот претседател на Европскиот парламент, Мартин Шулц.