Иако најави дека ако продолжат местенките во СДСМ ќе ја повлече кандидатурата, Зоран Заев сепак не се повлекува од изборот за иден лидер на СДСМ . Конгресот на СДСМ е закажан за 2 јуни, а остануваат само 4 дена за пријавување на кандидатите за претседател на партијата, период кој го следат големи партиски превирања. Заев посочува дека ќе се работи на обединување на партијата, а не на разединување и задкулисни игри. Тој вели дека е приридно да се агитира, но не и да се создава непријателска атмосфера во партијата. Поддржан од својата колешка Радмила Шеќеринска, Заев важи за фаворит за нов претседател на СДСМ. „Не сакам да ги коментирам јавно, внатрешните работи на СДСМ. Оваа цела постапка за претседател на СДСМ е внатрешна работа на мојата партија и ве молам да оставиме СДСМ да го донесе најдобрите одлуки за својата иднина“, посочи Заев за медиумите.