Опозицискиот лидер Зоран Заев оствари средба со амбасадорот на Р.Унгарија во Р.Македонија, Јосеф Бенце со кој разговарал за актуелната политика криза и можните ризици за скршнување од европскиот пат.

Заев очекува имплементација на договорот од Пржино во најкраток можен рок и максимум посветеност од сите партии

„СДСМ е конструктивно поставена, очекуваме секоја од страните да се потруди најмногу што може и договореното во најкусо време да се спроведе“, посочи Заев.

Амбасадорот Бенце изразил очекување за брзи и ефективни реформи и во критичните области што ги посочи и експертската група на Прибе. Тоа се професионална администрација, независно судство, слободни медиуми, реализација на Охридскиот договор.

И двајцата соговорници констатирале дека е опасно Македонија да ја изгуби препораката за ЕУ, посебно што станува збор за мала држава, со кревка и нестабилна економија, мултиетничка држава којашто сега е соочена и со светската бегалска криза.

Се разговарало и за  продлабочување на односите помеѓу Македоија и Унгарија на економски план и во областите од интерес за секојдневниот живот на граѓаните на двете земји.