Зоран Заев денеска за медиумите изјави дека новиот закон за личен доход со кој ќе се плаќа дополнителен данок за плати над 90.000 денари е последица на левичарската идеологија и на социјал-демократското гледиште на новата власт. Истовремено рече дека неговата плата изнесува 87.000 денари и дека според тоа нема да биде дополнително оданочуван.

- Се работи за левичарска социјалдемократска влада. Ова е мерка која е логично да се бара од тие што имаат поголеми приходи да дадат за посиромашните. Институциите на системот врши само распределба. Ќе се овозможи вработување на млади невработени и покачување во осетливи сектори како здравство и образование. Дај боже сите да земаме 90.000 денари па нека плаќаме поголем данок. Еве јас имам плата од 87.000 денари, а истовремено сум премиер. Замислете за колкави плати станува збор. Треба да имаме и задоволни медицински сестри и специјалисти-доктори. Ние тежнееме да обезбедиме просечна плата од 30.000 денари за граќаните, а замислете таа да е 90.000 денари. Што да кажат сиромавите. Тие најмногу очекуваат од државата да им помогне. Помошта за нив ќе нарасне за 300 отсто и повеќе.  Границата требаше да биде 60.000 денари и веќе отстапивме и таа ќе биде над 90.000 сега - рече Заев.

Вицепремиерот Кочо Анѓушев рече дека со оваа мерка не се задаваат удар на индустријата

- Јас сум еден од тие индустријалци кои имаат поголеми приходи. Треба да се изгради по-фер заедница, иако тоа е на моја сметка - рече Анѓушев.