Лидерот на највлијателната опозициска СДСМ Зоран Заев синоќа од Куманово го најави почетокот на „Македонската пролет“ за која рече дека долго е очекувана и дека тој на државата ќе и ја врати слободата и демократијата.

Заев после синоќешниот протестен марш во Куманово рече дека е ред „Македонската пролет“ да тргне од тој херојски, непокорен, револуционерен град.

Тој, ги повика граѓаните на Куманово да се приклучат во борбата за слобода нагласувајќи дека тоа не е само борба на опозицијата туку и на сите партиоти.

Од граѓаните побара поддршка и ги повика на одлучност и решеност, како што истакна, да ја вратат слободата и демократијата, како и приликите во 21 век.

Следбениците на владеачката ВМОР-ДПМНЕ ги повика заедно „да ја ослободат“ Македонија, а после во фер и демократска атмосфера да се натпреваруваат за интересите на државата и народот.

Претставниците на СДСМ најавија одржување на слични протестни маршеви и во други македонски градови.

Протестниот марш во Куманово е одржан под иметот на проектот „Вистината за Македонија“.