Лидерот на СДСМ, Зоран Заев заедно со членката на Извршниот одбор на СДСМ и  на Парламентарното собрание на Советот на Европа, Рената Дескоска, денеска се сретна со Штефан Шенах, шеф Делегација на Ад-хок комисијата на Парламентарното собрание на Советот на Европа.

Тие разговарале за политичкате криза во Македонија, за тоа дека нема услови за фер и регуларни избори и за одлуката на претседателот, Ѓорге Иванов за аболиција на политичари.

„Избирачкиот список не е прочистен, медиумски реформи не се спроведени, партијата не е одвоена од државата. Кулминација на погазувањето на Договорот од Пржино од страна на власта е срамната одлука на вршителот на функцијата претседател на државата, Иванов, за аболиција, поради што незадоволството на граѓаните се излеа по улиците. Решение за ситуацијата е повлекување на незаконската одлука на Иванов и организирање и реализација на фер и регуларни избори на коишто ќе биде избрана кредибилна Влада“ - кажа Заев.

Заев е категоричен дека на Македонија и требаат фер и регуларни избори, на кои сите партии ќе учествуваат. Партијата поддржува протести, но тие да бидат мирни.