Пренесувајќи ги наодите во Извештајот на ЕК каде се анализираат и огласите во електронските медууми, дневниот весник Вест пренесува дека ма­ке­дон­ска­та влада е најголем огласувач, со годишен бу­џет за рекламирање од над 20 милиони евра.

Според из­веш­та­јот на експертскиот тим од Европската комисија,  кој од септември 2012 до април 2013-та, истражувал во земјите од Западен Бал­кан и во Турција, се посочува дека договорите за рекламирање им служат на политичките ин­те­ре­си, а овој начин на рекламирање треба да се стави под контрола на за­ко­но­дав­на­та власт. Во извештајот се опфатени се четири компоненти од медиумската сфера од земјите на Западен Балкан и Тур­ци­ја, и тоа регулаторните тела, јавниот сервис, ефективна саморегулација, ис­тра­жу­вач­ко­то новинарство. Експертите забележуваат и дека законските ограничувања не ги спречиле по­ли­ти­ча­ри­те да поседуваат медиуми, а сопствениците на медиумите да учес­тву­ва­ат во партиската политика. „Како последица, постојат медиумски војни и говор на омраза меѓу политичките кампови и двете најголеми етнички заедници", се посочува во Извештајот. Важен фокус во извештајот се посветува на воведувањето на са­мо­ре­гу­ла­тор­ни механизми во медиумите, со цел да се зголеми кредибилитетот на ме­ди­у­ми­те во очите на јавноста, пишува Вест.