Косово по долги обиди конечно ќе добие меѓународно признат телефонски код за повикување што го издвојува како територија од Србија во меѓународните телекомуникациски услуги. 

Косовската министерка за дијалог Едита Тахири денеска изјави дека Меѓународната телекомуникациска унија, врз основа на Бриселскиот договор, на Косово службено му е доделен повикувачки број +383.

Министерката Тахири оцени дека станува збор за „историска придобивка во областа на телекомуникациите, со што се зајакнува меѓународниот субјективитет на Косово“.

Шефот на српската Канцеларија за Косово и Метохија, Марко Ѓуриќ претходно нагласи дека повикувачкиот број +383 е во сопственост на Србија и му е доделен на Косово како на географска, а не меѓународна област, јави Танјуг