Вредноста на американската валута се зголеми за 0,5 проценти во однос на јапонскиот јен, на 159,38 јени. Доларот зајакна за 0,4 проценти во однос на европската валута, при што еврото се намало  на 1,1720 долари.

Вредноста на доларот порасна во однос на кошничката валути минатата недела, по две недели пад, бидејќи инвеститорите останаа претпазливи додека чекаа да видат дали ќе продолжат мировните преговори меѓу САД и Иран.

Индексот на доларот, кој ја мери вредноста на американскиот долар во однос на шест главни валути, се зголеми за 0,3 проценти на 98,51 поени минатата недела.

Инвеститорите на валутните пазари беа претпазливи минатата недела, при што девизните курсеви на главните валути не се менуваа многу додека инвеститорите ги следеа вестите од Блискиот Исток.

Цените на нафтата се движат на покачени нивоа, поттикнувајќи ја инфлацијата во многу земји низ целиот свет. Ова, пак, значи дека некои централни банки може да ги зголемат каматните стапки, додека други може да се откажат од понатамошно намалување на каматните стапки, пренесува Сеебиз.