За колку поскапеа становите во седумте најголеми германски градови?
Пристапните станови во Германија се реткост. Становите и куќите повторно стануваат поскапи низ целата земја. Дури и во руралните средини речиси и да нема исклучоци.
Во седумте најголеми градови – Берлин, Хамбург, Минхен, Келн, Франкфурт на Мајна, Штутгарт и Дизелдорф – цените на становите се зголемија во просек за 2,8 проценти во рок од една година.
Цените на куќите и становите во Германија продолжуваат да растат. Во третиот квартал, цените на станбените недвижности во Германија беа во просек за 3,3 проценти повисоки отколку во истиот период минатата година.Според прелиминарните пресметки на Федералниот завод за статистика, ова е четврти месец по ред во кој цените на станбените недвижности во Германија се зголемија во споредба со истиот квартал минатата година.
Трендот на раст продолжи и на краток рок: од јули до септември 2025 година, станбените недвижности во Германија беа во просек за 1 процент поскапи отколку во пролетта.
По серијата падови на цените од четвртиот квартал на 2022 година, пазарот го смени курсот во последниот квартал од 2024 година: од октомври до декември, цените на станбените недвижности во Германија се зголемија за 1,9 проценти, а во првиот квартал од 2025 година се зголемија за 3,5 проценти во споредба со истиот период минатата година, пренесува српски Блиц.
Во вториот квартал, според најновите проценки, е забележан скок од 3,1 процент. За споредба, просечната годишна цена на куќите и становите во Германија се намали за 1,5 проценти во 2024 година.
foto Wikipedia
Слично
Поврзани вести
