Европската унија ја критикува одлуката на претседателот Ѓорѓе Иванов за аболиција, му дава поддршка на СЈО и повикува на создавање услови за веродостојни избори.

За ЕУ одлуката на македонскиот претседател Иванов е загрижувачка. Оттаму потсетија дека Македонија се обврза да го промовира владеењето на правото и борбата против неказнивоста.

„Денешната одлука на претседателот Иванов за аболиција на бројни функционери предизвикува сериозна загриженост. Се случува во време кога сите партии треба да бараат начин да го одржат Договорот од Пржино. Ги повикуваме сите страни да избегнуваат интервенции кои ризикуваат да се нарушат повеќегодишните напори во земјата со поддршка на меѓународната заедница да се зајакне владеењето на правото“- се наведува во соопштението на ЕУ.

Од ЕУ даваат поддршка на СЈО и бараат да продолжи да ги истражува сериозните проблеми кои беа откриени лани.