За Демократската унија за интеграција, претседателот Ѓорге Иванов, кој денеска го почнува вториот мандат, нема легитимитет затоа што не ја одразува волјата на Албанците кои живеат во Македонија. „Иванов, кој е избран во еден легален процес, за Албанците е нелитимен, бидејќи не ја одразува волјата на вториот по големина народ во Република Македонија. Која било институција која ја нема волјата на двете најголеми заедници, согласно Охридскиот договор, е нелегитимна. Над 90 отсто од Албанците рекое „не“ на едностраниот претседател и ние ќе ја почитуваме нивната волја“, изјави Џафери. За Беким Фазлиу од ДПА, Иванов е легитимен претседател. „Претседателот е легитимен, бидејќи за него гласаа мнозинството граѓани“, рече тој. Инаугурацијата на Иванов на претседателската функција ја поздрави и ВМРО-ДПМНЕ. „Легитимитетот на претседателот го дадоа граѓаните на Република Македонија, со огромниот број гласови кои не можат да се поделат ниту по партиска, ниту по етничка, ниту по религиозна припадност. Цениме и апелираме дека сите политички партии треба да ја прифатат одлуката на граѓаните“, изјави Илија Димовски од ВМРО-ДПМНЕ. Освен пратениците на ДУИ, на денешната инаугуративна седница не присуствуваа пратениците на СДСМ и на НДП, кои, пак, не ги прифатија ниту пратеничките мандати.     Освен пратениците на ДУИ, на денешната инаугуративна седница не присуствуваа пратениците на СДСМ и на НДП, кои, пак, не ги прифатија ниту пратеничките мандати.