„Согласно Законот за енергетика, и двете компании што се заинтересирани да станат универзален снабдувач ќе треба да формираат посебна компанија со цел да ги одвоиме регулираната од нерегулираната дејност. На таа компанија РКЕ ќе ѝ издаде лиценца за снабдување со електрична енергија со обврски кои се однесуваат на универзалниот снабдувач. Тоа го правиме со цел да нема прелевања на финансиски средства од нерегулиран на регулиран пазар и малите потрошувачи кои останале на регулираниот пазар да не ги покриваат загубите кои евентуално снабдувачите би ги направиле на слободниот пазар на електрична енергија“, рече Бислимовски.

До практичното отпочнување на дејноста на универзален снабдувач потоа ќе треба да поминат уште два до три месеци поради процесот на  добивање на неопходните дозволи. Процентот на снабдување на потрошувачите ќе се намалува во наредните седум години сѐ до најмалку 30 отсто од потребите.