За 323 илјади евра ќе се реконструираат 4 здравствени домови
Министерот за здравство Никола Тодоров денеска најави почеток на градежни зафати кои ќе влијаат на подобрување на инфраструктурата на Здравствените домови.
Министерот смета дека реконструкцијата на здравствени домови е една од покрупните реформи на кои ќе се фокусира Владата во следните неколку месеци, што според него, во голема мера ќе влијае на подобрување на условите за лекување на болните, а секако и за подобрување на инфраструктурните услови за работа на лекарите и останатиот медицински кадар.
Со директорите на здравствените домови е договорено и тие (со сопствени средства) да учествуваат во целата инвестиција за реконструкција на овие ЈЗУ.
“Денеска сакам да го најавам почетокот на првата фаза на реновирање и санација на здравствени домови во Пехчево, Валандово, Штип и во Ресен. Вкупната вредност на реконструктивните зафати на здравствените домови изнесува 20 милиони денари (323 илјади евра н.з), а средствата се обезбедени од приходната сметка на Министерството за здравство, како резултат на направени заштеди во системот“, рече Тодоров.
Слично
Поврзани вести
