Македонските граѓани ќе може да летаат директно да летаат од Скопје до Стокхолм преку нискобуџетната компанија Виз Ер. Авионите ќе летаат секој понеделник и петок, а како што соопштуваат од компанијата,  директната линија ќе биде пуштена на 3-ти мај. Најниската цена на авионската карта е 1.690 денари, а резервациите се веќе пуштени.

„Нашата нова дестинација до Стокхолм е втора рута од Скопје до скандинавскиот пазар и деветта интернационална рута што ја поврзува Македонија со популарните европски дестинации. Со ниски цени на авионските карти, убедени сме дека оваа рута брзо ќе стане бестселер за појдовни и дојдовни туристи“, истакна Корпоративниот директор за комуникации на Виз Ер, Даниел де Карвалхо.