Вулин ја искоментира изјавата на Ѓукановиќ за планираниот атентат на Вучиќ
Српскиот претседател Александар Вучиќ бил политичка цел на водачот на црногорскиот кавачки клан Радоје Звицер, вели министерот за внатрешни работи, Александар Вулин.
Тој рече дека Европол ја предупредил Србија дека атентатот е подготвен за првата половина на овој месец.
„Александар Вучиќ не е човек кој се занимава со криминал за да учествува во мафијашки судири, туку исклучиво се занимава со политика“, изјави Вулин за време на гостувањето на ТВ Пинк.
Коментирајќи ја изјавата на црногорскиот претседател Мило Ѓукановиќ, во која тој отфрли дека има некаква врска со наводите за атентат на Вучиќ, Вулин кажа дека Ѓукановиќ никогаш не бил спомнат во тој контекст, туку дека самиот „се препознал како шеф на Радоје Звицер”.
Вељко Беливук и Марко Миљковиќ, како што се дозна од нивните прислушувани разговори, откриле дека водачот на кавачкиот клан Радоје Звицер, кај кого престојувале на гости во Котор непосредно пред да бидат уапсени во февруари минатата година, откриле дека тој има своја полиција во Црна Гора.
Слично
Поврзани вести
