Организираната криминална група сака да му се одмазди на претседателот на Србија, Александар Вучиќ, бидејќи успеавме да ги разбиеме големите нарко картели, изјави вчера министерот за внатрешни работи Александар Вулин.

Тој нагласи дека шефот на криминалниот наркоклан Радоје Звицер, кој е и организатор на атентатот, не работи сам, туку има политички шеф! Министерот откри и дека МВР има разумни претпоставки каде се крие! За стотици милиони евра Вулин на РТС изјави дека не се ништо ново и дека Звицер им бил газда на Вељко Беливук и Марко Миљковиќ, а се чини дека од него доаѓа се.

„Имаме многу разумни претпоставки каде е, каде се неговите најблиски соработници, но тоа што е на листата на барани лица и дека е во бегство не кажува дека е немоќен и не може да направи толку зло како што направи“, рече Вулин.

Тој напомена дека се работи за луѓе кои имаат неразбирливи суми пари и дека ништо не им значат стотици милиони евра и дека тоа можат да го надоместат од еден транспорт на кокаин, како и дека се подготвени тие пари да ги искористат за смрт на оние кои направиле нивниот клан да се распаѓа.

„Претседателот Александар Вучиќ е тој. Претседателот Александар Вучиќ е човекот кој ја водеше борбата против мафијата, кој ја поддржа српската полиција во тоа, кој ја поддржа БИА, кој ни овозможи да го направиме тоа што го направивме и да разбиеме еден од најорганизираните и најсуровите нарко-кланови во Европа, не само во Србија“, рече Вулин и додаде:

„Звицер не работи сам. Тој има свој политички шеф“.

Министерот објасни дека овој политички газда не е во Србија, но дека е „дел од владините структури на некои земји блиски до нас“ и дека е „човек кој со децении води слични луѓе како Радоје Звицер“. На прашањето за кого станува збор, Вулин рече дека не би било коректно да се изнесуваат имиња пред да се подигне обвинението.

„Повеќе од јасно е дека луѓе како Звицер не настанале или останале без активно учество во политиката. Александар Вучиќ е човек кој е столб, кој е синоним за политичката стабилност на Србија, а со тоа и на Балканот. Со неговата елиминација имате хаос, имате конфликти на Балканот“, истакна Вулин.

Извор и фото: Курир.рс