Српскиот претседател Александар Вучиќ изјави дека Србија ќе преземе дополнителни мерки за обезбедување нафта и нафтени деривати и дека разговара со руските партнери за да ја спречи можноста за „изживување над Србија бидејќи мнозински сопственик на Нафтената индустрија на Србија (НИС) е руска компанија.

„Гледаме како тоа да го надминеме, да не навредуваме никого, да не повредиме некого, а морме да ја обезбедиме иднината за Србија и да обезбедиме безбедност за секој човек и секое дете, изјави Вучиќ на денешниот предизборен митинг.

Тој ги повика сите во Србија, па дури и оние кои, како што наведе, го кажуваат најлошото за него, да бидат единствени и да бидат со Србија и нејзините сограѓани.

Вучиќ им порача и дека можат да очекуваат „сешто“.

„Денес владата на Црна Гора, што не го направи ниту владата на Мило Ѓукановиќ, го забрани гласањето за нашите избори во Беране, Суторморе и Никшиќ“, кажа тој.

Вучиќ додаде дека Ввладата на премиерот на Косово, Албин Курти побарала од Србија да ја признае независноста на Косово за да се организираат (српските) избори таму.