ВУЧИЌ ЗА АМАНДМАНИТЕ КОИ ГИ ПОДНЕСЕ ЦРНА ГОРА НА РЕЗОЛУЦИЈАТА ЗА СРЕБРЕНИЦА: Тоа е валкана игра и перфиден трик
Амандманите кои ги поднесе Црна Гора на Резолуцијата за Сребреница, српскиот претседател Александар Вучиќ ги нарече „валкана игра“.
„Тоа е валкана игра и перфиден трик. Тие намерно оставаат простор за јасен заклучок за морална и политичка одговорност“, изјави Вучиќ на 19 мај за телевизија „Пинк“ и додаде дека по враќањето од Њујорк ќе каже со кого Црна Гора преговарала за ова прашање.
Предлагачите на нацрт-резолуцијата за Сребреница ја утврдија конечната верзија на тој документ, за кој во четврток на 23 мај ќе расправа Генералното собрание на ОН.
На 9 мај, премиерот на Црна Гора, Милојко Спајиќ ја објави поддршката на Црна Гора за резолуцијата. Но, поради противењето на просрпските и проруските партии од парламентарното мнозинство, кои тврдат дека ги означува Србите како „геноцидна нација“, Министерството за надворешни работи испрати два амандмани на текстот на резолуцијата за 13 мај.
Слично
Поврзани вести
