На денешниот состанок на Српската напредна партија, претседателотАлександар Вучиќ им се обрати на поддржувачите на СНС и рече дека граѓаните ќе го слушнат новиот план на владејачката партија во понеделник, јавува Нова.рс.

„Ќе бидете многу задоволни од новите мерки и ќе следи големо зголемување на пензиите, дури и пред јануари, па сметаме на ноември и декември, веќе оваа година. А пред тоа ќе имаме нешто што ќе ве направи многу среќни“, истакна претседателот.

Вучиќ рече дека ова е веројатно последен пат да им се обрати на граѓаните во таков број како претседател. 

„Велеа дека никогаш нема да ја напуштам претседателската функција, ова се моите последни денови и недели како претседател на Републиката“, рече Вучиќ.

Претседателот објави дека хуманоидни роботи ќе се произведуваат во Србија од август, и тоа, како што рече, во подобри фабрики отколку во Кина.