Српскиот претседател Александар Вучиќ и германскиот канцелар Олаф Шолц се обратија пред медиумите по средбата во Палатата Србија. Вучиќ пред  медиумите рече дека се разговарало и за „тешки теми“.

-Канцеларот Шолц на остар начин побара Србија да им се приклучи на санкциите кон Русија. Јас говорев за нашите односи со Руската Федерација. Зборувавме и за претстојната зима и му укажав на сите тешкотии со кои се соочуваме – изјави Вучиќ.

За него сепак, балканската турнеја на канцеларот е значајна за регионот.

- Шолц донесе нова енергија и нова надеж. Тој сака да има вистинска перспектива во проширувањето на ЕУ и тоа е извонредна порака за сите во Западен Балкан. Разговаравме и за фактот дека Србија мора да напредува многу побрзо во однос на владеење на правото, демократија..., рече тој.

Според него, станало збор и за состојбите во Европа и светот. Шолц понудил помош од Германија во однос на градењето енергетски капацитети кои треба да не поврзат со остатокот од регионот.

- Го потсетив дека градиме интерконектор кон Бугарија, дека се планира изградба кон Македонија. Виновен сум што не се сетив навреме дека треба да изградиме нафтоводи до други земји. Требаше да градиме кон Унгарија, санкциите немаше да важат за нас и би можеле да купуваме нафта поевтино за 30 долари за барел.

Како што гледате, никој не е сигурен што ќе се случи на европско тло, а канцеларката се понуди да ни помогне во таа област, ​​заклучи претседателот Вучиќ.