Претседателот на Србија Александар Вучиќ ги коментираше дневните извештаи за бомби во авион на Ер Србија кој лета за Москва. Тоа се случи неколкупати досега па Вучиќ рече дека вчера направиле тест.

- Вчера изведовме финта, намерно доцнивме половина час, бидејќи чекаат авионот да полета, па мораме да го вратиме авионот. Потоа чекаме половина час и се јавуваат додека авионот е на земја. Половина час повеќе малтретираме луѓе, но не мораме да го враќаме авионот од Суботица. Тоа го проверуваме и сега нашите служби се занимаваат со тоа - рече Вучиќ, одговарајќи на прашањата на новинарите во Сјеница.

- Многу луѓе мислат дека во денешниот свет имаат право да прават што сакаат против суверените држави ако тоа не им се допаѓа или ако послушното однесување не е доволно. Има и такви кои мислат дека имаат право на секого да одредат како ќе се однесува и што ќе прави. Ќе бидеме мали колку што сме, што би рекол големиот Меша Селимовиќ, толку сме мали што се осмелуваме да размислуваме и се осмелуваме да бидеме некој што може да мисли, што може да ни ја одреди судбината - рече Вучиќ.