Цената на храната, сите производи и буквално опстанокот на целата земја зависи од цената на гасот. Тука директно е загрозена целата земја - вака претседателот на Србија, Александар Вучиќ, ја коментира енергетската криза, пред средбата со рускиот претседател Владимир Путин.

- Секој ден во овие месеци и денови, купуваме шест и пол милиони метри кубни гас. Денес, ние веќе трошиме повеќе од шест и пол милиони кубни метри. За тоа ја плаќаме цената од 270 долари за 1.000 кубни метри гас. Тоа ќе трае до крајот на годината. За Свети Никола, ќе имаме многу поголема потрошувачка, тоа треба да го платиме по цена што е на берзата - објасни претседателот.

Според него, прашањето е што ќе се случи по доаѓањето на новата година. Затоа средбата со претседателот на Русија, Владимир Путин, е од клучно значење, забележува тој.

- Србија заштеди гас за темните денови, до крајот на годината, и затоа средбата со Путин е многу важна. Моменталната понуда не е добра и затоа ќе се одржи состанок. Ќе го замолам да ни даде подобри услови, рече Вучиќ.

Планот, додава тој, не е да се зголемат цените на струјата и гасот.

- И ќе видиме дали ќе успееме. Сега Путин одлучува за се, односно овој разговор со него, заклучи Вучиќ.