Претседателот на соседна Србија Александар Вучиќ се обрати до јавноста по седницата на Советот за национална безбедност.

- Последиците ми се презентирани и сигурно нема да ѝ бидат лесни на Србија! И тука би одговорил на лажните патриоти кои тоа го потценуваат, кои беа на власт и станаа патриоти дури откако ќе го завршат престојот на власт – рече Вучиќ.

Во Белград денеска се одржа седница на Советот за национална безбедност

Претставниците на Србите од Косово, по разговорот со претседателот на Србија, Александар Вучиќ, најавија дека ќе постават блокади доколку косовските власти ги отстранат регистарските таблички од возилата кои не се регистрирани според косовските закони.

AKO NE PRIHVATIMO PLAN ŠOLCA I MAKRONA, POSLEDICE NEĆE BITI LAKE!

"Posledice su mi predočene i svakako neće biti lake za Srbiju! I tu bih odgovorio lažnim patriotama koji to potcenjuju a koji su bili na vlasti i patriote postali tek pošto su završili sa boravkom na vlasti!" pic.twitter.com/RvDBkjELQf

— Detektor lazi (@LaziDetektor) October 27, 2022

Владата на Косово побара сите граѓани до 31 октомври да ги заменат регистарските таблички на косовските градови, издадени од Србија, со оние на Република Косово. Доколку граѓаните не го направат тоа самите, надлежните ќе им ги одземат ознаките. Косовскиот премиер Аљбин Курти претходно изјави дека нема да има продолжување на рокот за предрегистрација и потсети дека Косово веќе еднаш го продолжи тој рок.

И по неколку обиди претставниците на Србија и Косово не успеаја да се договорат, а претставниците на косовските Срби кои живеат во четири општини на север најавија дека со блокади ќе ја попречуваат промената на регистарските таблички.