Србија нема да прави референдум за прашањето за пристапување на земјата кон НАТО, порача премиерот Александар Вучиќ пред телевизија РТС.

Тој увери дека Србија нема да влезе во НАТО, и дека земјата сака да биде неутрална воено.

„Србија не е изразува желба да се приклучи кон НАТО сојузот“, рече Вучиќ.

Според него се крена многу врева  за законот за потврда на договорот меѓу Србија и НАТО, кој неодамна беше ратификуван од парламентот и потпишан од претседателот, и кој се однесува на „технички договор“, потпишан во 2006 година.

„Нашата политика е таква - ја сакаме Србија, ја почитуваме Русија, ја почитуваме Америка, одиме кон ЕУ, но пред се ја сакаме Србија“, рече Вучиќ.